“Byderhand” is 'n eksperimentele ruimte vir skep, skryf en lees in nuwe kontekste.
Die doelstellings van dié eksperimentele ruimte is om digitale literatuur deur middel van praktykgebaseerde navorsing en vanuit verskeie invalshoeke te ondersoek. Die projekfokus val tans op plekspesifieke digitale literatuur.
Plekspesifieke literatuur bestaan reeds van oudsher af. Voorbeelde hiervan is rotskuns, grafskrifte, monumente en graffiti. Die beskikbaarheid van draagbare toestelle (selfone en tablette) met internettoegang maak dit vandag moontlik om 'n konkrete plek met die onbegrensde kuberruimte te kombineer.
Plekspesifieke digitale literatuur poog in die eerste instansie om plekspesifiekheid te bevorder. Die leser moet daarom op die besondere plek wees om die teks en die plek as 'n eenheid te ervaar. In hierdie eksperimentele literatuurvorm gaan dit primêr oor die geskrewe of gesproke woord. Digitale tegnologie bied egter ook die moontlikheid om 'n verskeidenheid modusse en media te kombineer en om die leser op verskeie wyses interaktief te betrek.
Die projek is aanvanklik aangebied by die Clover Aardklop Nasionale Kunstefees 2015. Kunstefeeste bied die ideale geleentheid om met plekspesifieke literatuur te eksperimenteer en 'n groot verskeidenheid lesers binne 'n kort tyd te bereik. Navorsing oor die lesers se ervaring van die projek en die verskeidenheid tekste het 'n belangrike deel van die navorsing tydens Clover Aardklop 2015 uitgemaak. Watter moontlikhede bied dié tegnologie en literatuurvorm vir die skrywer? Hoe kan so 'n projek in plaaslike omstandighede prakties uitgevoer word? Hoe ervaar lesers die verskillende vorme van plekspesifieke digitale literatuur? Hoe kan die wisselwerking tussen skrywer, leser, tegnologie en plek verstaan word? Hierdie is slegs enkele van die vrae wat deur die projek ondersoek word.
Byderhand Clover Aardklop 2015 het uit vier subprojekte bestaan waarin met verskeie genres en formate geëksperimenteer is en verskillende teikengroepe betrek is. Gevestigde en opkomende skrywers (kunstenaars, ontwerpers, musici, programmeerders) met 'n verbintenis met Potchefstroom is genooi om werk vir die projek te skep. In aansluiting by die interdissiplinêre aard van die projek, word navorsers uit verskillende dissiplines betrek, waaronder Skryfkuns, Letterkunde, Filosofie, Grafiese Ontwerp en Rekenaarlinguistiek. In die meeste gevalle is die navorsers ook as skrywers of kunstenaars in die projek betrokke.
Die vier subprojekte by Clover Aardklop Nasionale Kunstefees 2015 was:
1. Tuinverse in die NWU Botaniese Tuin. Gedigte en kleuterversies deur 15 digters. Kuns deur Strijdom van der Merwe. Subprojekleier: Bernard Odendaal. Die Tuinverse is ná die kunstefees 'n permanente in die NWU Botaniese Tuin.
2. Rusplekstories in die Boeke-Oase. Kortverhale en kinderstories deur 'n verskeidenheid skrywers en kunstenaars. Die Rusplekstories kan sedert Augustus 2016 in De Jonge Akker op die NWU Potchefstroomkampus gelees word.
3. Dwaalverhaal by die Hoër Tegniese Skool. Tienerverhaal geskryf deur Hans du Plessis in samewerking met Skryfkunsstudente.
4. Taxistrips by die pendelroete. Kunstenaar: Khayalethu Mtshali.
Die projek is goed ontvang by die kunstefees en het reeds verskeie toekennings ontvang en navorsingsuitsette opgelewer.
In 2016 is 'n Tuinverseprojek onderneem in die Digterstuin van die Breytenbach Kultuursentrum, Wellington.
In 2017 en 2018 is 'n projek in samewerking met die Pionierskool vir Siggestremdes in Worcester onderneem. Die projek is in Augustus 2018 bekendgestel en bestaan uit twee subprojekte:
1. Tuinverse in die multisensoriese tuin op die skoolterrein. Gedigte en kinderversies deur ses digters.
2. Pionierstories op die skoolterrein en in Blindiana Barista, 'n koffiewinkel by Innovation of the Blind. Dié versameling bestaan uit 27 verhale, vertellings en gedigte deur 23 leerders, oudleerders en personeel van die Pionierskool
'n Projek in samewerking met die Karoo Woestyn Nasionale Botaniese Tuin, Worcester is tans onderweg. Die Karootuinverse deur 10 digters uit die omgewing vorm deel van die nuwe brailleroete in die botaniese tuin. Die roete word binnekort bekendgestel.
“Byderhand” word onderneem binne die Navorsingseenheid Tale en Literatuur in die Suid-Afrikaanse konteks, Noordwes-Universiteit, Potchefstroomkampus. Die projek vorm ook deel van die vestiging van digitale humaniora in die Fakulteit Lettere en Wysbegeerte. Die projek word befonds deur die Navorsingseenheid Tale en Literatuur in die Suid-Afrikaanse konteks en die Vakgroep Skryfkuns, Skool vir Tale, NWU. “Byderhand Clover Aardklop 2015” is moontlik gemaak deur befondsing van Die Dagbreek Trust.
Kongres van die Afrikaanse Letterkundevereniging (ALV). 15 – 17 Sept 2021:
Referaat: Bernard Odendaal: Manifestasies van sintuiglikheid in enkele gedigte ingesluit by twee digitale Byderhand-installasies te Worcester
Referaat: Franci Greyling: Beliggaamde ruimte in lokatiewe narratiewe deur persone met siggestremdheid
Navorsingsartikel- Susan Smith. 2021. Literêre kartering van plek: ’n geokritiese ondersoek na materiële verbeelding en ingeplaaste skryf in twee “Tuinverse”. Litnet Akademies (Geesteswetenskappe), Jaargang 18:2.
https://www.litnet.co.za/literere-kartering-van-plek-n-geokritiese-ondersoek-na-materiele-verbeelding-en-ingeplaaste-skryf-in-twee-tuinverse/
Aanlyn werkswinkel oor lokatiewe literatuur. 17 Julie, 31 Julie en 21 Augustus 2021.
Drieledige aanlynkursus ontwikkel en aangebied deur die bestuurspan van die Byderhandprojek in samewerking met die ATKV-Skryfskool. Aanbieders: Franci Greyling, Gustaf Tempelhoff, Bernard Odendaal, Suna Verhoef, Hans du Plessis, Susan Smith.
MIX2021 Amplified publishing. 3 – 6 Julie 2021.
Referaat: Franci Greyling & Gustaf Tempelhoff: Creating and accessibilising locative literature for persons with visual impairment: challenges, solutions, and new opportunities.
Drieluik Navorsingsartikels in Tydskrif vir Geesteswetenskappe, Jaargang 60 No. 4-2: Desember 2020.
Artikel: Franci Greyling, Suna Verhoef & Gustaf Tempelhoff. 2020. Die Byderhand-Pionierprojek: ʼn Gevallestudie van die deelnemende dinamika in die skep en toeganklikmaking van lokatiewe literatuur vir persone met siggestremdheid. Tydskrif vir Geesteswetenskappe, Jaargang 60 No. 4-2: Desember 2020, 1336-1362.http://tgwsak.co.za
Artikel: Bernard Odendaal. 2020. Manifestasies van sintuiglikheid in enkele gedigte ingesluit by twee digitale Byderhand-installasies te Worcester. Tydskrif vir Geesteswetenskappe, Jaargang 60 No. 4-2: Desember 2020, 1363-1385.http://tgwsak.co.za
Artikel: Franci Greyling. 2020. “Wie is dan blind?” Beliggaamde ruimte in lokatiewe narratiewe deur persone met siggestremdheid. Tydskrif vir Geesteswetenskappe, Jaargang 60 No. 4-2: Desember 2020, 1386-1409.http://tgwsak.co.za
Boekhoofstuk: Philip van der Merwe. 2020. The Dialectic of Life and Death in the “Garden Verses” of the Karoo Desert National Botanical Garden." In: Planka, S. & Cubukcu, F. (reds). Death and garden narratives in literature, art and film: Songs of death in paradise. Lexington Books.
https://rowman.com/ISBN/9781793625892/Death-and-Garden-Narratives-in-Literature-Art-and-Film-Song-of-Death-in-Paradise
Braille publikasie: 2020. Byderhand-Pionierprojek: Plekspesifieke digitale literatuur, Versameling: Pionierskool vir siggestremdes. Braille.
Byderhand-Pionier 2019: Versameling. 2019. Byderhand-Pionierprojek: Plekspesifieke digitale literatuur, Versameling: Pionierskool vir siggestremdes. 2018.
Franci Greyling bespreek Byderhand as 'n voorbeeld van ʼn digitale humaniora projek. Die lesing is aangebied by die 2de Nasionale Digitale-Humaniora-Werkswinkel, 4-8 April 2016, NWU, Potchefstroom.
International conference (virtual): ELO2020 (The Electronic Literature Organization Conference & Media Arts Festival), UCF, Orlando, USA. 16-19 July 2020:
Deelname aan internasionale paneel: Applied E-lit as Participatory Research Creation for Social Change.
Franci Greyling & Gustaf Tempelhoff: The Byderhand Pioneer Project: Accessible Locative Literature in a Multisensory Garden at a School for the Visually Impaired
https://stars.library.ucf.edu/elo2020/live/roundtables/3/
MA in Grafiese Ontwerp
Skripsie: Gustaf Tempelhoff. 2019. Koppelvlakontwerp om plekspesifieke digitale literatuur toeganklik te maak vir gebruikers met siggestremdheid.
Skripsie voorgelê ter gedeeltelike nakoming van die vereistes vir die graag Magister Artium in Grafiese Ontwerp aan die Noordwes-Universiteit.
Navorsingsartikel: Stilet:
Artikel: Franci Greyling. 2019. "Ek loop hier in die labirint": Digitale kinderverse in 'n botaniese tuin: performatiwiteit en relasionaliteit. Stilet 30(1-2):207-227. https://stilet.digital/digitale-kinderverse-in-n-botaniese-tuin-performatiwiteit-en-relasionaliteit/
Comber 2019 – Community-Based Educational Research, NWU, Potchefstroom, 21 – 22 Nov 2019:
Referaat: Franci Greyling: Our own stories: a site-specific digital literature project in collaboration with a school for learners with visual impairment.
Referaat: Gustaf Tempelhoff: Agter die skerms: Koppelvlakontwerp vir en in samewerking met ʼn skool vir leerders met siggestremdheid.
International Conference on Information Literacy (ICIL) 2019, Vanderbijlpark, 23-26 September 2019:
Referaat: Gustaf Tempelhoff: Designing inclusive and accessible platforms: site-specific digital literature for people with visual impairment
Algemene simposium: Suid-Afrikaanse Akademie vir Wetenskap en Kuns, Pretoria, 12-13 September 2019:
Referaat: Franci Greyling: Byderhand tuinverse: Gelaagde ervarings van omgewing, tegnologie en literatuur.
International conference: ELO2019 (The Electronic Literature Organization Conference & Media Arts Festival), UCC, Cork, Ireland. 15-17 July 2019:
Paneel: Franci Greyling, Bernard Odendaal, Gustaf Tempelhoff: Site/sight-specific digital literature: An interdisciplinary project for and with persons with visual impairment.
Franci Greyling: Shared experiences: Collaboration and participation in a site-specific digital literature project for persons with visual impairments.
Bernard Odendaal: Writing for the visually impaired – notes on garden poems installed digitally in Worcester, South Africa
Gustaf Tempelhoff: Interface design and site-specific digital literature accessibility for people with low vision
Seminaar: Byderhand-Pionierprojek, Plekspesifieke digitale literatuur vir en saam met mense met siggestremdheid. NWU, Potchefstroomkampus 9 Mei 2019:
Referaat: Suna Verhoef: Touch, pause and engage: die skep van 'n multisensoriese tuin as samewerkende projek en toepassing van die Expanded Core Curriculum in 'n skool vir leerders met siggestremdheid
Referaat: Samewerking en deelname in ʼn plekspesifieke digitale literatuurprojek vir persone met siggestremdheid
Referaat: Gustaf Tempelhoff: Koppelvlakontwerp en plekspesifieke digitale literatuur vir persone met siggestremdheid
Referaat: Bernard Odendaal: Dig vir siggestremdes – aantekeninge oor enkele gedigte geskep vir die Byderhandinstallasies te Worcester
Referaat: Philip van der Merwe: Die dialektiek van lewe en dood in die 'tuinverse' van die Karoo Woestyn Nasionale Botaniese Tuin
Paneelgesprek: Franci Greyling, Suna Verhoef, Gustaf Tempelhoff, Quinten Pendle en Hendrik Steyn: Gedeelde ervarings - Pionierstories
DHASA (Digital Humanities Association of Southern Africa) 2nd international conference, Pretoria, 25 – 29 March 2019:
Referaat: Franci Greyling: Multi-sensory experiences: site-specific digital literature for and with persons with visual impairment
Referaat: Gustaf Tempelhoff: Interface design and accessibility for site-specific digital literature for people with low vision
Werkswinkel: Gustaf Tempelhoff: Designing inclusive and accessible platforms, interfaces and content for persons with low vision
Kongres van die Afrikaanse Letterkundevereniging (ALV), Stellenbosch. 12 – 14 Sept 2018:
Referaat: Franci Greyling: Leesstrategieë vir digitale literatuur.
International conference. Transient Topographies: Space and Interface in Digital Literature and Art. The Second Galway Digital Cultures Initiative conference, Moore Institute, National University of Ireland, Galway, 20-21 April 2018.
Referaat: Gustaf Tempelhoff: "I look at clouds from both sides now" – Interface design and accessibility for site-specific digital literature for the visually impaired.
Referaat: Franci Greyling: Experience interface and performativity in site-specific digital literature.
Navorsingsartikel - Franci Greyling, Hans du Plessis, Gustaf Tempelhoff. 2017. Verweefde netwerk van 'n plekspesifieke digitale dwaalverhaal. Stilet 29 (2) 1-25.
Artikel - Franci Greyling. 2017. Plekspesifieke digitale literatuur: Nuwe verhoudings tussen mens en plek. Woord & Daad (56) 432: 31-34.
Artikel - Franci Greyling en Wildrich Fourie. 2017. Tinboektoe toe: The remediation of an artist’s book into an application. Proceedings of Booknesses: Taking stock of book arts in South Africa. pp 228-236.
International conference and festival. ELO 2017: Affiliations, communities, translations. Fernando Pessoa University, Porto. 18-22 July 2017.
Referaat: Gustaf Tempelhoff:
Platform design for site-specific digital literature.
Referaat: Franci Greyling, Bernard Odendaal & Gustaf Tempelhoff: Byderhand Tuinverse.
(At hand: Garden poetry)
Referaat: Bernard Odendaal. The Film-verse project as a significant contribution to digital poetry development in South Africa.
Referaat: Franci Greyling. Site-specific digital literature: a community of practice.
International conference. MIX 2017: Writing Digital, Bath Spa University’s College of Liberal Arts. 10-12 July 2015.
Referaat: Bernard Odendaal. The filmverse project.
Referaat: Franci Greyling. Poetry in the botanical gardens: experiments with site-specific digital literature.
Navorsingsartikel: LitNet Akademies:
Artikel: Franci Greyling. 2017. Plekspesifieke digitale literatuur: samespel en wisselwerking in nuwe kontekste. LitNet Akademies Jaargang 14(2) http://www.litnet.co.za/plekspesifieke-digitale-literatuur-samespel-en-wisselwerking-nuwe-kontekste/
Artikel - Digstring, Versindaba.
Digstring: Susan Smith. Digstring. "By die soetdoring" (Susan Smith)
http://versindaba.co.za/2017/02/07/digstring-by-die-soetdoring-susan-smith/
International colloquium. Booknesses: Taking Stock of the Book Arts in South Africa, Faculty of Art, Design & Architecture, Bunting Road Campus, University of Johannesburg. 24 - 26 March 2017.
Referaat: Franci Greyling & Wildrich Fourie. Tinboektoe toe app: Remediating an artist’s book into an application.
Inaugural Conference of the Digital Humanities Association of Southern Africa (DHASA 2017), Stellenbosch. 17-20 Jan 2017.
Referaat: Franci Greyling. Digital humanities practice: Site-specific digital literature.
Tuin van digters #digkunsvir almal, Breytenbachsentrum, Wellington. 16-18 September 2016:
DIGITALE DIGKUNS
Met: Bernard Odendaal, Diek Grobler, Yves T'Sjoen en Franci Greyling (gespreksleier); voorlesings deur Danie Marais, Alfred Schaffer, Zandra Bezuidenhout en Hennie Nortjé
Byderhand
is 'n projek van die Noordwes-Universiteit (Potchefstroomkampus) waarin digitale digkuns en die natuur op vindingryke manier bymekaar uitkom, deurdat jy op jou slimfoon, via 'n strepieskode in die natuur aangebring, 'n gedig kan aflaai wat met die tuingegewe te doen het. Hierdie projek is met groot sukses in die NWU se Botaniese Tuin aangebied tydens die Aardklop-fees in 2015. Enkele splinternuwe tuinverse is vir die Tuin van Digters geskryf en digitaal bewerk. Filmverse is op sy beurt 'n projek waarin digters se verse tot animasiefilms verwerk word. Betrokkenes by beide projekte kom gesels oor wat digitale digkuns behels en hoe ons vergelyk met wat in Europa gebeur. Van die digters wie se werke opgeneem is vir die Byderhand-projek, kom lees hul werk voor. 16:45 | 60 min. | Woordtent
Kongres van die Afrikaanse Letterkundevereniging (ALV), NWU. 31 Aug – 2 Sept 2016:
Sessie: Plek; landskap; media; die digitale.
Vertoning: Byderhand 2015 - projekvideo
Referaat: Bernard Odendaal. Mediosferiese verandering en die skryf en onderrig van digkuns.
Referaat: Franci Greyling. Plekspesifieke digitale literatuur: Samespel en wisselwerking in nuwe kontekste.
Colloquium: Digitale letterkunde. Noordwes-Universiteit, Potchefstroomkampus. 6 April 2016:
(Second South African Workshop op Digital Humanities, Potchefstroom Campus.)
Gasspreker: Yves T’Sjoen (Universiteit Gent, België): Ut bits & bytes poesis? Over digitale poëzie en poëzie in het digitale tijdperk.
Referaat: Susan Smith (Universiteit van Fort Hare. Oos-Londen). Ingeplaaste skryf en die materiële verbeelding. Voorlopige aantekeninge en waarnemings oor ingeplaastheid en verbeelding in twee Tuinversprojek-gedigte.
Vertelling en dataprojeksie: Nita Cronjé (ATKV): Die aanbieding van poësie in kombinasie met ander kunsvorms. ’n Oorsig van sulke ATKV-produksies
Referaat: Bernard Odendaal. Mediosferiese veranderings en die skryf en onderrig van digkuns.
Paneelbespreking: Die ontwikkeling van die dwaalverhaal. Hans du Plessis, Jaco Lubbe, Marcé Bester, Gustaf Tempelhoff, Franci Greyling.
Referaat: Gustaf Tempelhoff. Byderhand Die rol en proses van multimedia-ontwerp binne die plekspesifieke digitale literatuurprojek.
Referaat: Roela Hattingh (UJ). Labirint van labirinte: Potchefstroom as hiperskakel soos vervat in Byderhand.
Referaat: Franci Greyling & Wildrich Fourie. Tinboektoe toe toep: Remediasie van ʼn kunstenaarsboek na ʼn toepassing.
Intreerede: Noordwes-Universiteit, Potchefstroomkampus. 29 Oktober 2015: Franci Greyling: Plekspesifieke digitale literatuur: Ruimte vir eksperimentering en ontdekking.
ITOU konferensie oor vervlegte leer (Vervlegting met ʼn doel): Noordwes-Universiteit, Potchefstroomkampus. 4-6 November 2014.
Referaat: Franci Greyling. QR-stories: 'n eksperimentele ruimte.
Toestemming: Byderhand is 'n kreatiewe en navorsingsprojek oor plekspesifieke digitale literatuur. Wanneer jy deelneem aan die projek verleen jy toestemming dat die data vir navorsingsdoeleindes gebruik kan word. Jou deelname aan en terugvoering oor die projek is waardevol.
Adri Breed Adri Breed is in 1982 in Krugersdorp gebore. Sy spandeer meeste van haar laerskooljare in Heidelberg (Gauteng), en al haar hoërskooljare in Pretoria. As student verhuis sy na Potchefstroom, waar sy haar studies voltooi en ook haar loopbaan as akademikus en skrywer begin. Tans is werksaam as senior lektor in Afrikaanse taalkunde aan die NoordwesUniversiteit se Potchefstroomkampus. Twee van Adri se gedigte, "Skil" en "Die ontmanning van 'n man en van 'n vrou", het onlangs in die literêre vaktydskrif Literator verskyn.
Leti Kleyn is 'n navorser en skrywer op die gebied van Afrikaanse letterkunde, Kreatiewe Skryfkuns en Kanonisering
Bernard Odendaal, ’n gebore Bloemfonteiner, was dosent in Afrikaanse en Nederlandse letterkunde aan die Universiteit van die Vrystaat voordat hy in 2012 die direkteur van die ATKVSkryfskool van die NoordwesUniversiteit (Potchefstroomkampus) geword het. Sy debuutdigbundel, Onbedoelde land, het in 2007 verskyn. As liedteksskrywer en vertaler het hy meegewerk aan CD’s soos Herman van den Berg sing Brel in Afrikaans, Dit is wat dit is (Herman van den Berg) en Dawid – die musical. Honderde resensies, essays en rubrieke van hom het in koerante en tydskrifte, asook op webblaaie verskyn. Hy publiseer gereeld akademiese artikels en boekbydraes.
Jean du Toit het Biochemie en Fisiologie aan die NWU studeer en het in 2011 sy M.Sc. in Biochemie behaal. Hy het homself daarna verdiep in die Filosofie en is tans, na sy meestersstudie in Filosofie, besig om sy Doktoraal in die veld te voltooi. Sy huidige navorsing handel oor Filosofie van die Tegnologie, met spesifieke fokus op die interaksie tussen tegnologie en die menslike liggaam. Hy stel veral belang hoe die literêre in hierdie spasie 'n rol speel en hoe dit bydra tot die menslike begrip van die wêreld waarbinne die individu geplaas is.
Carina van der Walt is in Welkom gebore. Sy het aan die NoordwesUniversiteit in Potchefstroom gestudeer en voltooi in 2004 haar MA in ’n vergelykende studie Afrikaanse en Nederlandse poësie. Sedert 2007 woon en werk sy in Nederland. Van der Walt blog op twee poësie webwerwe: versindaba.co.za. en fleursdumal.nl. Sy het al in verskillende Nederlandse tydskrifte gepubliseer. WOORDEN OVER BEELDEN (Kersfees 2012) is ’n geskenkbundeltjie met gedigte oor ruimtelik georiënteerde kuns. Dit het saam met die tydskrif Beelden verskyn. Sy debuteer in Nuwe Stemme 5 (2013). Die duobundel AMALGAAM (Okt. 2015) by Uitgewery IJzer in Utrecht – Nederland, is haar en Willy Martin se nuutste publikasie.
Etienne Terblanche is 'n lektor en navorser van die Engelse poësie aan die NWU
Potchefstroom. Ek het in Fochville groot geword, en toe was Potchefstroom daardie groot,
vreemde dorp met die slim mense en goeie rugbyspelers. Het hier begin studeer in 1985, my
doktorsgraad hier ontvang, en voordat ek by die NWU kom klasgee het, vir ses jaar
Afrikaans aangebied by Potchefstroom Boys High School.
My liefde vir die natuur kom van
die dae nog voordat ek in taal kon dink. Ek en my broer, Reinier, het van kleins af
skoenlappers versamel en bestudeer, aanvanklik in die Lydenburg omgewing. Dié gebied
het 'n baie diep indruk op my gemaak, en as ek daar uitkom, voel ek oombliklik tuis. Intussen
het die Noordwesgrasvlaktes en die kolletjies soetdoringbome vir my net so mooi geword.
Iets in my word ook aangegryp deur landskappe waarin ek nie as kind gewoon het nie: die
oop Karoo, net eerlike leë planeet en lug; die see, waar mens se onstuimighede rus kan kry
omdat die golwe hulle ontmoet en uitskakel; die kusbos met welige vet kleurvolle
skoenlappers, en so voorts. My gedigte hunker gedurig na uitdrukking van hierdie indrukke.
Skrywer van: E. E. Cummings: Poetry and Ecology (Rodopi, Amsterdam, 2012)
Franci Greyling is professor in Skryfkuns aan die Noordwes-Universiteit, Potchefstroomkampus. Sedert 2007 is sy gemoeid met die konseptualisering en uitvoering van interdissiplinêre kreatiewe en navorsingsprojekte. Haar huidige navorsingsbelangstellings is multimodale narratiewe, alternatiewe publikasiemoontlikhede, bioregionaliteit en plekspesifieke letterkunde. As kind het die gesin vir ʼn jaar in Potchefstroom gewoon en sy het haar skoolloopbaan by laerskool Mooirivier begin; later het sy as student aan die PU vir CHO in Kasteelkoshuis gewoon; sedert 2002 is sy ʼn permanente inwoner van Potchefstroom. Haar eie kreatiewe publikasies sluit in kinder- en jeugboeke, kortverhale, gedigte, kunstenaarsboeke, ʼn radiodrama en die webtuiste, Storiewerf. Haar jongste werk is ʼn kunstenaarsboek, Mooirivier: weerspieëling en weerklank.
Hans du Plessis was tussen 1981 en 2011 aan die Potchefstroomkampus van die NWU
verbonde, eers as professor in Afrikaanse taalkunde en sedert 1990 as direkteur van die
ATKVskryfskool van die NWU.
Sedert 2012 is hy navorsingsgenoot in die
Navorsingseenheid vir Taal en Letterkunde, Skool vir Tale. Hy het reeds ses digbundels en
nege romans gepubliseer. Jongste publikasie: Inboekeling, 2014, historiese roman,
Tafelberguitgewers.
Ihette Jacobs is tans ʼn dosent in Afrikaanse poësie aan die Universiteit van die Vrystaat en is ook besig met haar PhD wat handel oor relasionaliteit in die outobiografiese poësie van Afrikaanse vrouedigters. Hierdie proefskrif word onder leiding van Prof. Heilna du Plooy, gedoen. Ihette het vanaf 2004 tot 2009 voltyds aan die PUK studeer en in hierdie tyd baie nou bande met die Skool vir Tale gesmee. Haar onlangste publikasie is as een van die debuterende digters in Nuwe Stemme 5 (2013).
Ek is oorspronklik uit die Vaaldriehoek en het in 2010 na Potchefstroom verhuis om in die koshuis by Hoër Volkskool Potchefstroom te woon. Ek is tans besig met ʼn honneursgraad in Engelse letterkunde aan die Potchefstroomkampus van die NWU en ek hoop om my verder in hierdie veld te verdiep. Buiten my studies en skoolloopbaan, is my verbintenis aan Potchefstroom die bome. Dit is immers die kareebome op Hoër Volkskool Potchefstroom se gronde wat my tot die dorp bekeer het.
Johan Myburg het in Potchefstroom skoolgegegaan en ook studeer. Hy is 'n onafhanklike kunsskrywer. Sy jongste digbundel is Kamermusiek wat in 2004 by Lapa verskyn het. Hopelik kom sy vierde bundel binnekort op dreef.
Ruan Fourie is ’n aspirantdigter en student in Frans en Skryfkuns. Hy woon in Potchefstroom en hou hom veral besig met verkenning van dié se strate wanneer die sterre en die maan sigbaar is. Hy speel graag klavier en tjello.
Susan Smith woon en werk in OosLonden waar sy ’n professor in Afrikaans is aan die Universiteit van Fort Hare en in 2005 instrumenteel is in die tot stand bring van ’n Afrikaans- departement. Sy is ten nouste betrokke by die herskryf van ’n taalbeleid by dié universiteit waarin Afrikaans, naas Engels en Xhosa, as amptelike taal aanvaar en erken word. Susan se verbintenis met die Byderhandprojek en met Potchefstroom spruit uit haar betrokkenheid by navorsing oor ekokritiek en ekopoësie. In 2012 verskyn die bundel In die afwesigheid van sin. Sy skryf gedigte wat met plek en die natuurlike omgewing in gesprek tree.
Tom Gouws is ‘n digter van Pretoria. Hy het studeer en klasgegee aan die Universiteit van Potchefstroom, ook dié se Vaaldriehoekkampus, en het sy akademiese loopbaan afgesluit as Waarnemende Visekanselier en Rektor van die NoordwesUniversiteit se Mafikeng- kampus. Hy het indertyd ook Wiskunde doseer aan Potchefstroom Gimnasium. Sy nuutste digbundel is stigmata.
Gebore 31 Mei 1924 op Vredefort (oorlede 29 Julie 2015). Matrikuleer 1941 aan Monument Hoëskool Krugersdorp en gaan daarna na die Universiteit van Pretoria. Studeer en doseer aan verskillende plaaslike en buitelandse universiteite. Is behalwe akademikus ook skrywer, met name digter. Was getroud met Anna van Zyl, wat oorlede is Mei 2007. Het vyf kinders. Stel belang in natuur, kultuur en kunsgeskiedenis en kosmologie. Studeer aan die PUK tot met Meestersgraad. As dosent aan die PUK aangestel in 1944 tot met vroeë aftrede in 1982 weens gestremdheid. Neem steeds deel aan PUKbedrywighede. Jongste digbundel "Karnaval en Lent" (2014). Digbundel in pers en prosaboek.
Maak nie saak hoe jy presteer of wat jy bereik nie, ʼn lewe sonder kuns (in al haar vorme) en ʼn stukkie hart, is nie die moeite werd nie. Alanka leef by hierdie woorde en is tans werksaam as kunstebestuurder by PUK-Kunste aan die NWU Potchefstroomkampus, waar sy ook studeer het. Sy woon reeds sewe jaar in Potchefstroom kon nie anders as om in hierdie tyd ʼn stukkie van haar te verloor langs die Mooirivier nie. Sy tree ook op as vryskutaktrise, stemkunstenaar, sangeres en het al verhoë ingekleur by o.a. Aardklop Nasionale Kunstefees, KKNK en die US Woordfees.
Hein Viljoen is professor in Afrikaanse en Nederlandse letterkunde in die Skool vir Tale, Noordwes-Universiteit, Potchefstroomkampus. Die Afrikaanse poësie is een van sy groot voorliefdes. Onlangs het hy 'n bundel literêre opstelle met die titel Crossing borders, dissolving boundaries (Amsterdam, 2013) saamgestel en geredigeer. Hy skryf self ook gedigte; sy jongste bundel, Holtrom en groot kabaal, het in 2003 verskyn. Hy het in Potchefstroom skoolgegaan en hier en in Pretoria en Utrecht gestudeer, maar darem 'n paar jaar in Pretoria ook gewoon.
Heilna du Plooy het aan die PU vir CHO studeer en daarna Potchefstroom verlaat. Sewentien jaar later vestig die gesin Du Plooy hulle in Potchefstroom en tans woon sy reeds byna dertig jaar lank hier. Sy het vir 25 jaar lank aan die Universiteit klasgegee in Literatuurwetenskap en Afrikaanse en Nederlandse letterkunde, maar wy tans al haar aandag aan skryf, skilder en letterkundige navorsing.
Franci Greyling: Franci Greyling is professor in Skryfkuns aan die NoordwesUniversiteit, Potchefstroomkampus. As kind het die gesin vir ʼn paar maande in Potchefstroom gewoon en sy het haar skoolloopbaan by laerskool Mooirivier begin; later het sy as student aan die PU vir CHO in Kasteelkoshuis gewoon; sedert 2002 is sy ʼn permanente inwoner van Potchefstroom. Haar eie kreatiewe publikasies sluit in kinder en jeugboeke, kortverhale, gedigte, kunstenaarsboeke, ʼn radiodrama en die webtuiste, Storiewerf. Haar jongste werk is ʼn kunstenaarsboek, Mooirivier: weerspieëling en weerklank.
Dedré is op Dundee in Kwa-Zulu-Natal gebore en het daar grootgeword. Sy woon tans in Potchefstroom en doseer Onderwyskuns by die Fakulteit Opvoedingswetenskappe. Sy het vyf jaar in Potchefstroom gestudeer en was in Heide-dameskoshuis. Na ‘n draai in die Vaaldriehoek is saam met haar gesin terug Potch. Sy woon en werk al die afgelope 13 jaar hier. Die akkerbome in Potchefstroom herinner haar aan die genade van seisoene en die mooi van die lewe. Buiten vir die publikasie van gedigte in enkele bundels, doen sy ook illustrasies vir tydskrifte en kinderboeke.
