“Byderhand” is 'n eksperimentele ruimte vir skep, skryf en lees in nuwe kontekste.
Die interdissiplinêre kreatiewe en navorsingsprojek word aangebied deur die Vakgroep Skryfkuns in die Skool vir Tale aan die Noordwes-Universiteit (Potchefstroomkampus). Die projek word onderneem in die Navorsingseenheid Tale en Literatuur in die Suid-Afrikaanse Konteks, en vorm ook deel van die vestiging van digitale humaniora aan die Noordwes-Universiteit.
Die projekte word bestuur deur 'n klein kernspan. Bykomende medewerkers, skrywers en kunstenaars word by elke afsonderlike projek betrek. (Sien ook projekte.)
Toestemming: Byderhand 2015 is ʼn kreatiewe en navorsingsprojek oor plekspesifieke digitale literatuur. Wanneer jy deelneem aan die projek verleen jy toestemming dat die data vir navorsingsdoeleindes gebruik kan word. Jou deelname aan en terugvoering oor die projek is waardevol.
Adri Breed Adri Breed is in 1982 in Krugersdorp gebore. Sy spandeer meeste van haar laerskooljare in Heidelberg (Gauteng), en al haar hoërskooljare in Pretoria. As student verhuis sy na Potchefstroom, waar sy haar studies voltooi en ook haar loopbaan as akademikus en skrywer begin. Tans is werksaam as senior lektor in Afrikaanse taalkunde aan die NoordwesUniversiteit se Potchefstroomkampus. Twee van Adri se gedigte, "Skil" en "Die ontmanning van 'n man en van 'n vrou", het onlangs in die literêre vaktydskrif Literator verskyn.
Bernard Odendaal, ’n gebore Bloemfonteiner, was dosent in Afrikaanse en Nederlandse letterkunde aan die Universiteit van die Vrystaat voordat hy in 2012 die direkteur van die ATKVSkryfskool van die NoordwesUniversiteit (Potchefstroomkampus) geword het. Sy debuutdigbundel, Onbedoelde land, het in 2007 verskyn. As liedteksskrywer en vertaler het hy meegewerk aan CD’s soos Herman van den Berg sing Brel in Afrikaans, Dit is wat dit is (Herman van den Berg) en Dawid – die musical. Honderde resensies, essays en rubrieke van hom het in koerante en tydskrifte, asook op webblaaie verskyn. Hy publiseer gereeld akademiese artikels en boekbydraes.
Khayalethu Mtshali is ‘n illustreerder, animeerder en onderwyser. Hy is gebore in Ga-Rankuwa naby Tshwane, Suid-Afrika, en het vir die grootste deel van sy lewe daar gewoon. Sedert 2010 bly hy in Potchefstroom, Suid-Afrika, waar hy grafiese ontwerp en multimedia doseer aan die Noordwes-Universiteit se Potchefstroomkampus. Khaya se werk vertoon ‘n aantal verskillende illustrasiestyle en tegnieke wat ontwikkel het uit ‘n drang om voortdurend te groei in die kuns. Hy geniet dit om beelde te maak om mense op verskeie maniere te bereik en voel dat dit gebruik kan word om kennis, idees en kultuur tussen mense te deel.
Carina van der Walt Carina van der Walt is in Welkom gebore. Sy het aan die NoordwesUniversiteit in Potchefstroom gestudeer en voltooi in 2004 haar MA in ’n vergelykende studie Afrikaanse en Nederlandse poësie. Sedert 2007 woon en werk sy in Nederland. Van der Walt blog op twee poësie webwerwe: versindaba.co.za. en fleursdumal.nl. Sy het al in verskillende Nederlandse tydskrifte gepubliseer. WOORDEN OVER BEELDEN (Kersfees 2012) is ’n geskenkbundeltjie met gedigte oor ruimtelik georiënteerde kuns. Dit het saam met die tydskrif Beelden verskyn. Sy debuteer in Nuwe Stemme 5 (2013). Die duobundel AMALGAAM (Okt. 2015) by Uitgewery IJzer in Utrecht – Nederland, is haar en Willy Martin se nuutste publikasie.
Etienne Terblanche Etienne Terblanche is 'n lektor en navorser van die Engelse poësie aan die NWU Potchefstroom. Ek het in Fochville groot geword, en toe was Potchefstroom daardie groot, vreemde dorp met die slim mense en goeie rugbyspelers. Het hier begin studeer in 1985, my doktorsgraad hier ontvang, en voordat ek by die NWU kom klasgee het, vir ses jaar Afrikaans aangebied by Potchefstroom Boys High School. My liefde vir die natuur kom van die dae nog voordat ek in taal kon dink. Ek en my broer, Reinier, het van kleins af skoenlappers versamel en bestudeer, aanvanklik in die Lydenburg omgewing. Dié gebied het 'n baie diep indruk op my gemaak, en as ek daar uitkom, voel ek oombliklik tuis. Intussen het die Noordwesgrasvlaktes en die kolletjies soetdoringbome vir my net so mooi geword. Iets in my word ook aangegryp deur landskappe waarin ek nie as kind gewoon het nie: die oop Karoo, net eerlike leë planeet en lug; die see, waar mens se onstuimighede rus kan kry omdat die golwe hulle ontmoet en uitskakel; die kusbos met welige vet kleurvolle skoenlappers, en so voorts. My gedigte hunker gedurig na uitdrukking van hierdie indrukke. Skrywer van: E. E. Cummings: Poetry and Ecology (Rodopi, Amsterdam, 2012)
Franci Greyling is professor in Skryfkuns aan die NoordwesUniversiteit, Potchefstroomkampus. As kind het die gesin vir ʼn jaar in Potchefstroom gewoon en sy het haar skoolloopbaan by laerskool Mooirivier begin; later het sy as student aan die PU vir CHO in Kasteelkoshuis gewoon; sedert 2002 is sy ʼn permanente inwoner van Potchefstroom. Haar eie kreatiewe publikasies sluit in kinder en jeugboeke, kortverhale, gedigte, kunstenaarsboeke, ʼn radiodrama en die webtuiste, Storiewerf. Haar jongste werk is ʼn kunstenaarsboek, Mooirivier: weerspieëling en weerklank.
Hans du Plessis was tussen 1981 en 2011 aan die Potchefstroomkampus van die NWU
verbonde, eers as professor in Afrikaanse taalkunde en sedert 1990 as direkteur van die
ATKVskryfskool van die NWU.
Sedert 2012 is hy navorsingsgenoot in die
Navorsingseenheid vir Taal en Letterkunde, Skool vir Tale. Hy het reeds ses digbundels en
nege romans gepubliseer. Jongste publikasie: Inboekeling, 2014, historiese roman,
Tafelberguitgewers.
Ihette Jacobs Ihette Jacobs is tans ʼn dosent in Afrikaanse poësie aan die Universiteit van die Vrystaat en is ook besig met haar PhD wat handel oor relasionaliteit in die outobiografiese poësie van Afrikaanse vrouedigters. Hierdie proefskrif word onder leiding van Prof. Heilna du Plooy, gedoen. Ihette het vanaf 2004 tot 2009 voltyds aan die PUK studeer en in hierdie tyd baie nou bande met die Skool vir Tale gesmee. Haar onlangste publikasie is as een van die debuterende digters in Nuwe Stemme 5 (2013).
Jansen Vermeulen Ek is oorspronklik uit die Vaaldriehoek en het in 2010 na Potchefstroom verhuis om in die koshuis by Hoër Volkskool Potchefstroom te woon. Ek is tans besig met ʼn honneursgraad in Engelse letterkunde aan die Potchefstroomkampus van die NWU en ek hoop om my verder in hierdie veld te verdiep. Buiten my studies en skoolloopbaan, is my verbintenis aan Potchefstroom die bome. Dit is immers die kareebome op Hoër Volkskool Potchefstroom se gronde wat my tot die dorp bekeer het.
Johan Myburg Johan Myburg het in Potchefstroom skoolgegegaan en ook studeer. Hy is 'n onafhanklike kunsskrywer. Sy jongste digbundel is Kamermusiek wat in 2004 by Lapa verskyn het. Hopelik kom sy vierde bundel binnekort op dreef. Bernard Odendaal Bernard Odendaal, ’n gebore Bloemfonteiner, was dosent in Afrikaanse en Nederlandse letterkunde aan die Universiteit van die Vrystaat voordat hy in 2012 die direkteur van die ATKVSkryfskool van die NoordwesUniversiteit (Potchefstroomkampus) geword het. Sy debuutdigbundel, Onbedoelde land, het in 2007 verskyn. As liedteksskrywer en vertaler het hy meegewerk aan CD’s soos Herman van den Berg sing Brel in Afrikaans, Dit is wat dit is (Herman van den Berg) en Dawid – die musical. Honderde resensies, essays en rubrieke van hom het in koerante en tydskrifte, asook op webblaaie verskyn. Hy publiseer gereeld akademiese artikels en boekbydraes.
Susan Smith Susan Smith woon en werk in OosLonden waar sy ’n professor in Afrikaans is aan die Universiteit van Fort Hare en in 2005 instrumenteel is in die tot stand bring van ’n Afrikaans- departement. Sy is ten nouste betrokke by die herskryf van ’n taalbeleid by dié universiteit waarin Afrikaans, naas Engels en Xhosa, as amptelike taal aanvaar en erken word. Susan se verbintenis met die Byderhandprojek en met Potchefstroom spruit uit haar betrokkenheid by navorsing oor ekokritiek en ekopoësie. In 2012 verskyn die bundel In die afwesigheid van sin. Sy skryf gedigte wat met plek en die natuurlike omgewing in gesprek tree.
Ek bly al vir meer as sewe jaar in Potch waar ek ook my BA en BA Honneursgrade cum laude ontvang het. Ek is tans besig met my MA-verhandeling wat handel oor trauma binne die oeuvre van Marita van der Vyver. Ek is seker almal wat al so lank in Potch bly sal weet watter bekoring die dorp inhou.
Ek is Marcé Bester (22), 'n derdejaar Skrykuns-student wat as 'n studente-assistent by Byderhand betrokke is. Ek wandel tipies rond by die Dwaalverhaal en soek nuwe vriende deur ons projek te bemark. Ek bly al amper vir tien jaar in Potchefstroom en ken die dorp se grootste skandes en ook waar die helderste straatligte skyn.
Gustaf Tempelhoff is n vryskut multimedia ontwerper wat in 2014 sy graad in BA Grafiese Ontwerp aan die Noord-Wes Universiteit in Potchefstroom voltooi het. Gedurende hierdie tyd het Potchefstroom met sy oudorpse sjarme hom geinspireer om aan sy ontwerpe n ander element, naamlik klank te gee. Sedertdien hou hy daarvan om met hierdie twee skeppende velde van musiek en ontwerp te eksperimenteer en dit dan te kombineer om die uiteindelike produk soveel meer trefkrag te gee.
“Maak 'n verskil en help waar jy kan" Dit som my uitkyk op die lewe op. Ons is almal geseën met unieke gawes en talente en dit is ons verantwoordelikheid om dit te gebruik om die omgewing waarin ons onsself bevind vorentoe te neem. Ek geniet dit om innoverend op te tree en nuwe moontlikhede te ondersoek! Juan Steyn is ‘n inligtingstegnoloog in die Fakulteit Lettere en Wysbegeerte aan die Noordwes-Universiteit.
Ruan Fourie is ’n aspirantdigter en student in Frans en Skryfkuns. Hy woon in Potchefstroom en hou hom veral besig met verkenning van dié se strate wanneer die sterre en die maan sigbaar is. Hy speel graag klavier en tjello.
Ek is 'n aspirantskrywer en -dosent. Ek hou daarvan om met mense te werk, met taal te werk en myself doenig te hou met navorsing. Dit is vir my lekker om kreatiewe projekte aan te pak en ek geniet dit ook baie om te organiseer. Ek is 'n derdejaar BA Taal- en Literatuurstudie student aan die Noordwes-Universiteit. Ek studeer hier vanaf 2013 en geniet die omgewing - amper dorp, amper stad.
Ek is ’n finalejaarstudent in BA Kommunikasie aan die NWU Potchefstroomkampus. Ek beoog om my Honneursgraad in Joernalistiek in 2018 te voltooi. My tuisdorp is Hartenbos, en ek het ’n groot liefde vir die see en die natuur. Ek was van kleins af baie geïnteresseerd in tale, lees en skryf en het ook ’n besondere passie vir die kunste. Tydens al drie my universiteitsjare het ek Skryfkuns as keusevak gehad. Ek was vir twee jaar ’n nuusleser en joernalis by PUKfm, en sing al vir twee jaar in die NWU PUK-Koor.
Anja Venter woon die afgelope 6 jaar in Potchefstroom en het in 2014 haar hoofvakke in Skryfkuns en Vertaalkunde afgehandel. In 2015 het sy ook Sielkunde en Filosofie onderskeidelik op derde- en tweedejaarsvlak voltooi. Sy is tans besig met nagraadse studie in Sielkunde en beoog om haar drie passies naamlik skryf, skilderkuns en terapie te kombineer. Sy is vanjaar ‘n studente-assistent by Skryfkuns en hou haar besig met skilder en oplees oor kwantumfisika. Anja kry haar energie uit 'metal', klassieke en postmoderne musiek - met ongewone instrumente en klanke. Potchefstroom en die universiteit het diep onder haar vel ingekruip.
Ek kom uit die hartjie van die Groot Karoo vanaf ’n klein plekkie genaamd Merweville. Ek is tans besig met my honneurs in Afrikaans en Nederlands. Hoewel ek baie na die plaaslewe en berge van die Karoo verlang, het Potch se pragtige boomryke strate en polsende studentelewe diep in my hart kom kruip.